पंतप्रधान किसान सन्मान निधी योजना केंद्र सरकारची एक महत्त्वाकांक्षी योजना आहे, ज्या अंतर्गत पात्र शेतकरी कुटुंबांना वर्षाला 6,000 रुपये आर्थिक मदत दिली जाते. ही रक्कम 2,000 रुपयांच्या तीन समान हप्त्यांमध्ये शेतकऱ्यांच्या बँक खात्यात थेट जमा केली जाते. या योजनेचा उद्देश शेतकऱ्यांचे उत्पन्न वाढवणे आणि त्यांना आर्थिकदृष्ट्या सक्षम करणे हा आहे.
20व्या हप्त्याला का झाला आहे उशीर?
योजनेनुसार, दर चार महिन्यांनी एक हप्ता जारी केला जातो. 19वा हप्ता 24 फेब्रुवारी 2025 रोजी शेतकऱ्यांच्या खात्यात जमा झाला होता. त्यामुळे 20वा हप्ता जून 2025 मध्ये अपेक्षित होता. मात्र, काही तांत्रिक अडचणी आणि प्रशासकीय प्रक्रियेमुळे याला उशीर झाला. आता, पंतप्रधान मोदींच्या आगामी कार्यक्रमांच्या पार्श्वभूमीवर जुलैच्या मध्यापर्यंत हा हप्ता येण्याची शक्यता आहे.
पीएम किसान योजना ही शेतकऱ्यांसाठी एक वरदान आहे, ज्यात सरकार त्यांना दरवर्षी तीन हप्त्यांमध्ये ६,००० रुपयांची आर्थिक मदत करते. आतापर्यंत या योजनेचे १९ हप्ते शेतकऱ्यांच्या खात्यात पोहोचले आहेत. शेवटचा हप्ता फेब्रुवारी २०२५ मध्ये आला होता. नियमानुसार, दर चार महिन्यांनी एक हप्ता येतो, त्यामुळे २०वा हप्ता जूनमध्ये अपेक्षित होता, पण त्याला थोडा उशीर झाला आहे. आता हा हप्ता जुलैमध्ये थेट शेतकऱ्यांच्या बँक खात्यात जमा होण्याची शक्यता आहे. सूत्रांनी दिलेल्या माहितीनुसार, पंतप्रधान मोदी १८ जुलै रोजी मोतिहारी येथील कार्यक्रमात हा हप्ता जारी करू शकतात. गेल्या वर्षीही पंतप्रधानांनी त्यांच्या बिहार दौऱ्यादरम्यान एक हप्ता जारी केला होता, त्यामुळे यावेळीही ही शक्यता जास्त आहे.
तुमचे नाव लाभार्थी यादीत कसे तपासावे?
- 1. पीएम किसानच्या अधिकृत वेबसाइटवर जा: सर्वात आधी 'https://pmkisan.gov.in` या वेबसाइटवर जा.
- 2. लाभार्थी यादी शोधाः होमपेजवर थोडं खाली स्क्रोल करा आणि 'शेतकरी कॉर्नर' (Farmers Corner) विभागात 'लाभार्थी यादी' (Beneficiary List) या पर्यायावर क्लिक करा.
- 3. माहिती भराः आता तुमचे राज्य, जिल्हा, उपजिल्हा (Sub-District), ब्लॉक (Block) आणि गावाचे नाव टाका.
- 4. रिपोर्ट मिळवाः यानंतर 'गेट रिपोर्ट' (Get Report) वर क्लिक करा. तुमच्या गावाची लाभार्थी यादी स्क्रीनवर दिसेल.